“Baby Shark” - “Balaca köpəkbalıqlarının rəqsi” adlı mahnıya çəkilmiş kilp Youtube sosial platformasında 10 milyard baxış toplamış ilk videoçarx olub. Animasiya elementləri olan bu videoçarxda balaca oğlan və qız rəqs edərək mahnı oxuyur. Klipdə digər dəniz canlıları ilə birlikdə yosunlar, mərcanlar arasında yaşayan balaca köpəkbalığının və onun ailəsinin həyatından bəhs edilir. Video Cənubi Koreyanın “Pinkfond” şirkətində istehsal edilib. “Baby Shark” kompozisiyası melodiyasının yaddaqalan olması ilə qısa zamanda dünyada populyarlıq qazanıb. 2016-cı ildə yayımlanan klip “Ginnesin rekordlar kitabı”na daxil edilib. Qeyd edək ki, 2020-ci ilin noyabrında klipə baxış sayı 7 milyarda çatmışdır.